سيكون البرنامج في يومي ٢٨ أغسطس و٢٩ أغسطس
الدخول لهذه الفعاليات مجانا وبدون بطاقات
مكان الفعاليات هو القاعات الداخلية والساحات الخارجية لقاعة الصداقة
برنامج اليوم الأول ٢٨ أغسطس :-
يبدأ في تمام الساعة العاشرة صباحا حيث يتم افتتاح معرض الكتاب ومعرض الصور الفوتوغرافية
الساعة الحادية عشر صباحا وحتى الواحدة ظهرا
ورقة نقدية بعنوان
حرفية انتخاب الألفاظ ونظمها وأدائها عند القدال
متحدث د محمد الفاتح ابو عاقلة
معقب د مزمل حسن يوسف
رئيسة الجلسة ا سارة الجاك
الساعة الواحدة ظهرا وحتى الواحدة والثلث
عزف موسيقى من اوركسترا التبر بقيادة الموسيقار كمال يوسف
الساعة الواحدة والنصف وحتى الثالثة
ورقة نقدية بعنوان " التقنيات المعمارية في شعرية محمد طه القدال - مسدار ابو السرة لليانكي نموذجا -
متحدث أ عادل سعد يوسف
معقب أ الحسن عبد العزيز
رئيسة الجلسة أ اماني ابو سليم
الساحات الخارجية سيكون فيها خيم منصوبة لقراءة الشعر من مختلف المدارس الشعرية
الساعة الرابعة والنصف دخول مواكب لجان المقاومة القادمة من ساحة الشهداء وحتى الساحة الشمالية لقاعة الصداقة تهتف بشعارات الثورة وبأشعار القدال
كما سنتشرف بقدوم أهل قدال من حليوة في نفس الفترة
حوالي الساعة السابعة مساء سيتم افتتاح الأمسية الأولى
بعرف موسيقي من اوكسترا بيت العود المكونة من ٣٥ عازف وعازفة ، كما يشرف الامسية الموسيقار العالمي / نصير شمة
يعقب ذلك قراءات شعرية في المسرح من ١٢ شاعر وشاعرة
برنامج اليوم الثاني الأحد ٢٩ أغسطس :-
البرنامج الصباحي استمرار معرض الكتاب ومعرض الصور الفوتوغرافية
الساعة ١١ الورقة الثالثة
توظيف التراث في شعر القدال
متحدث بروفيسور محمد المهدي بشرى
معقب أ رباح الصادق
رئيسة الجلسة د إخلاص مكاوي
الساعة الخامسة عصرا تفتح الأبواب مرة اخرى امام الناس لحضور الأمسية الغنائية وتكون في استقبالهم فرقة صوت النوبة لأداء نماذج غنائية راقصة في الساحة الجنوبية
في تمام الساعة السابعة مساء يبدأ الحفل المسائي
والذي تشارك فيه الفرق التالية والفنانين في المسرح الجنوبي المفتوح في قاعة الصداقة - الدخول من البوابة الجنوبية - :-
فرقة عقد الجلاد
فرقة راي
فرقة ساورا
شمت محمد نور والمجموعة
أبوبكر سيد احمد
أمال النور
أبو عرب .
برنامج إحياء ذكري الشاعر الكبير / محمد طه القدال
أعلنت اللجنة العليا لإحياء ذكرى الشاعر الراحل محمد طه القدال، يومي ٢٨ و٢٩ أغسطس المقبل بقاعة الصداقة، ويتضمن البرنامج عدداً من الفعاليات التي تجسد قيم القدال الفاضلة ودوره النضالي .
وقدم الشاعر الأستاذ ازهري محمد علي، رئيس اللجنة في مستهل حديثه اليوم بمنبر وكالة السودان للأنباء أبياتاً من الشعر عن الشاعر القدال، وقال إن تحويل الأحزان الي عمل إيجابي يمثل عمودا اساسياً لإحياء ذكرى القدال، وأشار الي عدد من الفعاليات تقام خارج السودان مرتبطة بالحدث الكبير .
وقال ازهري، بحسب وكالة السودان للأنباء، إن القدال ساهم في ثورة أبريل وواجه قوى الظلام، وذلك ما يمثله موكب لجان المقاومة من حدائق الشُهداء الي قاعة الصداقة يوم ٢٨ ، وأشار إلى مجموعة قراءات شعرية ستقدم إحياء لذكرى الفقيد، وراهن على وعي الجمهور العالي وقدرته علي التعبير عن حبه للقدال. وقدم الدعوة لكل وسائل الإعلام للمشاركة في الحدث ليكون القدال داخل كل بيت سوداني .
من جانبها قدمت الأستاذة استيلا قايتانو مقرر اللجنة تنويراً عن اللجنة، وقالت إنها تكونت بمبادرة من جمعية أصدقاء الراحل مصطفى سيد أحمد، وعقدت عدداً من الإجتماعات والورش لوضع خطة إحياء الذكرى .
وتناول الأستاذ عمر عشاري عضو اللجنة الفعاليات، موضحاً أن يوم ٢٨ سيشهد معرضاً للكتاب بقاعة الصداقة طيلة اليوم ومعرض للصور الفوتوغرافية وليلة شعرية بمشاركة عدد من الشعراء، فيما يشهد اليوم الثاني (٢٩) أوراقاً نقدية لشعر القدال مع إستمرار معرض الكتاب، ويختتم بليلة غنائية تشارك فيها فرق عقد الجلاد وراي وساورا الغنائية وعدد من الفقرات الغنائية الأخرى، منوها الى إجراءات إحترازية تم اتخاذها أثناء الفعاليات .
إحياء ذكرى القدال يومي ٢٨ و٢٩ أغسطس
نحن أهل الفرحة جينا
لا المدامع وقفتنا
ولا الحكايات الحزينة
دعوة توقيع فى دفتر الحضور الثورى لذكرى الشاعر القدال
السادة / بيوتات الثقافة بمختلف انشطتكم ومساهماتكم الثرَّى .....
تدعوكم اللجنة العليا لتخليد ذكرى شاعر الوطن والثورة محمد طه القدال للتوقيع فى دفتر الحضور الثوري والمشاركة في فعاليات ذكرى تخليد الشاعر التي ستكون يومي ٢٨ /٢٩ أغسطس بقاعة الصداقة وقد خصصت اللجنة المشاركة الأصيلة للاجسام الثقافية بما لهم من دور بارز و المساهمة في استمرارية العملية الثقافية و نشر المعرفة وتوفير المنابر للنشاط الإبداعي ومنتجات ، محبة للقدال ندعوكم للمشاركة في موكب القدال ( موكب أهل الفرحة ) الذى سيكون قوامه مشاركات شعبية مختلفة أفراد وجماعتنا بالإضافة لثوار و ثائرات لجان المقاومة بولاية الخرطوم فى اليوم الأول للفعالية الموافق 28 اغسطس والذى سينطلق من أمام حدائق الشهداء فى تمام الساعة الثالثة ظهراً متوجهاً لقاعة الصداقة و هو المكان الذي ستقام فيه الفعاليات .
اللجنة العليا لتخليد ذكرى الشاعر القدال
٢٨ _ ٢٩ أغسطس ٢٠٢١
١/اتحاد الكتاب السودانيين
٢/مؤسسة الفال الثقافية
٣/اصنع فرقا بكتاب
٤/مؤسسة الشباك الثقافية
٥/مركز نرتقي الثقافي
6/مركز ماريل الثقافي
7/ مؤسسة سودرات الثقافية
8/ مؤسسة تربيتة الثقافية
10/ رابطة شعراء جنوب السودان بالسودان
11/ دار الكنداكة للطباعة والنشر
12/ مجموعة أولاد القدال
13/ مجموعة أولاد حِمّيد
دعوة توقيع فى دفتر الحضور الثورى لذكرى الشاعر القدال
رصة ومنصة مع محمود الجيلي:
الشعراء لا يموتون يكتبوننا لنعيش فى أشعارهم
القدال.. إنسان وفكرة تتعاقبها الاجيال
اللجنه العليا لإحياء ذكرى القدال تطل اليوم عبر رصة ومنصة لمناقشة فعاليات إحياء ذكرى القدال
محمود الجيلي يستضيف
- الاستاذ/ أزهري محمد علي
- الأستاذة/ رباح الصادق المهدي
الأستاذة رباح المهدي والشاعر أزهري محمد علي في لقاء مباشر حول فعاليات إحياء ذكرى القدال
(شِن عندي ليك أنا يا وطن؟)
غير القصيدة ..
الشابِّي فرْعَها في الشُموخ.
هادي الحُروف الغَنَّتك وِكتين تناهِد روحي
بين هَمِّي العليك وقت المَهازِل والشُرُوخ
شايف شُروقك يا بلد.
واللهِ شوف عينيَّا ..
في ذكرى القدَّال يلتقي شعراء السودان في منابر شعرية حرة
بقاعة الصداقة- الساحة الشمالية.
من الثانية إلى الرابعة والنصف عصراً
السبت 28أغسسطس
#مداح_الجمال_والنور
#ذكرى_القدال
في ذكرى القدَّال يلتقي شعراء السودان في منابر شعرية حرة بقاعة الصداقة
القنوات السودانية ح تبث أغنية أهل الفرحة بصوت عقد الجلاد الساعة ٤ مساء السبت سوا في نفس التوقيت
إذاعات متفقة برضو ح تبث الأغنية دي الساعة ٤ مساء السبت
الأصحاب البحبو القدال ح يشتغلو الأغنية نفسها َمن موبايلاتهم في نفس الزمن الساعة ٤
مساء السبت
والأصحاب العندهم عربات ح يقرشوا وفتحوا الأبواب ويشغلَوا أغنية أهل الفرحة بصوت عقد الجلاد في نفس الساعة يوم السبت
ومجموعة كبيرة من َأحباب َالقدال ح يكونوا في قاعة الصداقة بيغنوا مع صوت عقد الجلاد نفس أغنية أهل الفرحة الساعة ٤ مساء السبت
غنية واحدة في ساعة واحدة بصوت واحد سوا في ذكرى القدال تخليدا لذكراه الغالية
اها
معانا منو يا أهل الفرحة؟
القنوات السودانية والإذاعات ستبث أغنية أهل الفرحة في وقت واحد، الرابعة من مساء السبت
اللجنة العليا لتخليد ذكرى القدال:
تابعونا على المنصات الإعلامية الاذاعية والتلفزيونية، اليوم الخميس للحديث حول فعاليات تخليد ذكرى القدَّال وفق جدول البث المُرفق.
#مَدَّاح_الجمال_والنور
#تخليد_ذكرى_القدال
اللجنة العليا لتخليد ذكرى القدال في لقاء حول فعاليات ذكرى القدال
أغنية الرواويس
حليوة ٥ يونيو ٢٠١٩ م
الطلقة المشت في صدرُه زي اَهة
مشت بى غادي تحت الروح
مشلهتة من رحيقُه الفاح
ومن صبة ثبات الجوف.
ما شفتوا الرصاص هضرب؟
صباح الغدر والبهتان؟
هداك العسكري الرداح..
ما شايفنوا كاتل الروح .. كتَل روحوا؟
ومن بعد الكَتِل يا خيبة قام كضب؟
فلا برهان
بعد ما اتجلبط البرهان ..
بريحة الدم.
ودم الدم،
وزعزعة الدبابير بالكضبة تلمع فالصو
هِن لا هيبة
لا فوق الكتِف ترتاح.
مَرَقَت طلقة المطلوق
وركََّت فوق وطن ممهول
بيأبى يروح
نبَت صفَق الشهيد عزاً ..
قلانا قلي
وملانا ملي
وتاوق فوق عنا المجروح
وشالنوا البنات علمين
علم يمسك قلوبهن من رفيف الخوف
وتاني .. رفيفو هبّة ناس
على باب النصُر واقفين
ينادوا عليك ..
عليك يا طلقة المطلوق
قروشِك من بني سلمان
وريشِك من بني نهيان
وديشِك من بني حمدان
وبكره على العلينا .. نروق
ولا رأس العمالة يروق
وهم عارفين
منو الشتّربِك الأخلاق
وسمح القول
وسمح الناس
وسمح الدين.
مشت بى غادي تحت الروح
مشلهتة من رحيقُه الفاح
ومن صبة ثبات الجوف.
ما شفتوا الرصاص هضرب؟
صباح الغدر والبهتان؟
هداك العسكري الرداح..
ما شايفنوا كاتل الروح .. كتَل روحوا؟
ومن بعد الكَتِل يا خيبة قام كضب؟
فلا برهان
بعد ما اتجلبط البرهان ..
بريحة الدم.
ودم الدم،
وزعزعة الدبابير بالكضبة تلمع فالصو
هِن لا هيبة
لا فوق الكتِف ترتاح.
مَرَقَت طلقة المطلوق
وركََّت فوق وطن ممهول
بيأبى يروح
نبَت صفَق الشهيد عزاً ..
قلانا قلي
وملانا ملي
وتاوق فوق عنا المجروح
وشالنوا البنات علمين
علم يمسك قلوبهن من رفيف الخوف
وتاني .. رفيفو هبّة ناس
على باب النصُر واقفين
ينادوا عليك ..
عليك يا طلقة المطلوق
قروشِك من بني سلمان
وريشِك من بني نهيان
وديشِك من بني حمدان
وبكره على العلينا .. نروق
ولا رأس العمالة يروق
وهم عارفين
منو الشتّربِك الأخلاق
وسمح القول
وسمح الناس
وسمح الدين.
وهُم شايفين
منو الصادربِك الغنوات
ولمات النفَق بي فوق.
عـلَي يا طلقة المطلوق
حنرسُمبِك
ملامح ناس
يترِّسوا في مسيرات الهدير تامّين
شُفّع يُفَّعاً شايلين تهاليل العدِل ميزان
ودوس كيزان
وتسقط بس
وشابات للسلام شَرَعن
نواصيهن قصاد الدم
وشباناً يغطوا الشم
يشيلوا الهم
تفرتقوا روق .. يجيبهم روق
عـلَيْ يا طلقة المطلوق
حننحتبِك رواويسنا اليغنوا مع الصباح للقيف
يشدوا على سروج النيل
يقودوا الطوف .. يساند الطوف
يختوا الزوق
بدال العوق
بدل زولاً فرد واحد
بلا ذمة
وبلا طايوق.
منو الصادربِك الغنوات
ولمات النفَق بي فوق.
عـلَي يا طلقة المطلوق
حنرسُمبِك
ملامح ناس
يترِّسوا في مسيرات الهدير تامّين
شُفّع يُفَّعاً شايلين تهاليل العدِل ميزان
ودوس كيزان
وتسقط بس
وشابات للسلام شَرَعن
نواصيهن قصاد الدم
وشباناً يغطوا الشم
يشيلوا الهم
تفرتقوا روق .. يجيبهم روق
عـلَيْ يا طلقة المطلوق
حننحتبِك رواويسنا اليغنوا مع الصباح للقيف
يشدوا على سروج النيل
يقودوا الطوف .. يساند الطوف
يختوا الزوق
بدال العوق
بدل زولاً فرد واحد
بلا ذمة
وبلا طايوق.
أغنية الرواويس
Tag :
قصائد,
عقارِب الدمع العريس
محمد طه القدال
ديسمبر2018م
ماك بلداً مهمَّل وما اتعرفلك سيد.
ونايحات المداين الشالقة ما بكَّـتني
يوم طيرة الهموم ركَّتني
ما سكَّتني من مغناك قبايل العيد،
غير تذكار بنــيَّات البحر في الضفَّة
فرخه وصرخة
شنطة
ونطة
شهقة وفهقة
وانا الفي القيف ..
أزوزي بعيد
مهوِّد زي هويد الصيد
أحَـنِّـس
في وِلاد الكلب
واسرِّح لي بنات ابليس ..
وهن في الشيمه قبل الغَـرْقة
ماعارفات ..
ملاواة البحر .. هي الحِجلة؟
والَّـا دموع عروس وعريس
ولَّـا عقارب الدمع العريس.
وهن في الشيمة قبل الشَرْقة خجلانات
يكون الموج فَـتَـش فستانهن الملبوس
وشافهِن مُخـبِـر الدمع العريس.
وهِـن في الشيمة قبل الشَّـرقة
شافَـن دمعهن متداري بي موج البحر ..
متروس .. من الدمع العريس
وهن في الشيمة قبل الشَرقة
سَـمَّـع حِـسَّـهِـن بى غادي ..
حس اماتهن المدروك وصوت ابواتن الممغوس
-
يا
بنياتي .. يا وليداتي
-
لاقوكُـن
صَـبَـيَّن مِـيَّه؟
يادوبُن علي باب
حلم،
واتلافوا بحر
النيل؟
نهاير العيلفون والليل؟
ودفروا النيل
قبايل العيد؟
ولاقاهم ظلام
الموج؟
ومن فوقهم رُصَاصات
الظلام والظُـلم؟
وغنيتو القبيل غنَّـنُّوا
نسوان الفريق في القيف ..
مع الجاغريو؟:
-
(الوليد
الضيف
غرَّقتَـنُّو كيف؟
-
الوليد
الضيف
غرقتنو كيف؟)
حالتي المايلة هي الشاكتني ..
هُـم في عيد ونحن ف عيد؟
هُـم في حال .. ونحن نْخِـيس؟
والمَغَـسَة الدموع الغايسة
في لُـجَـج الصفوف الخايسة،
وكل المغسة ..
تبقى البَـرَكة في الدمع العريس
***
حاكوكة النشيد حكَّـتني
شَـرقة وغَـرقة
في قولة الحيقيقة الطايلة
وتب مي خايلة يوم بَـقَـصَـت ولادِك إيد.
ساكته علي العيال يا يمه؟
قرقوراً تحت كركور ..
عيونهم زايغة
لا هِـيناً يكَـفِّـي الجوع
ولا أمنا يحاحي الخوف
قلوبهم زي طِـويرة الجَـنَّه في القلابة
وبرميل القنابل هَـدَّ فوق الروس جبال الطُـور
وفرطاق المخيخ النَّيْ ودمُّه بيغلي،
فوق جبَّال صعيد كادقلي ..
يوم الدَانة جات الميس
ويا مغسة صفوفنا الغايسة
في لجج الضماير الخايسة
كل المغسة ..
تبقى البَـرَكة في الدمع العريس
***
حاكوكة القصيد حكتني
شرقة وغرقة
وَتَّ الحايله
مَـن قال الهموم سكَّـتني
من شُـفَّع مدارس نيرتَـتِـي المجدوعة جُـوَّه
الخور.
وحاكوكة القصيد حَـكَّـتني
إلا أغني للأطفال
واطمبر وافضح الذمم اللديحة
ما الفضائح في الكلام جمع الفضيحة
والفضائح ممشى عارهُـم
والفضائح يا ها هيلهُـم
والفضائح يا ها كارهُـم
والفضيحة تَـباري سيدا
محل يقبل يبقى عبداً من عبيدا
والفضيحة عليها ريحةً ..
ريحة الجيفة المِـنَـتِّـنَـة .. وش مكابر،
أو .. قَـفَـا الخِـلقة السَّـنيحَـه
الفضيحه الدين مَـغَـبَّر
بالجعير .. الله أكبر
وهيَ لله .. مَـشَـرتَـمَـة بالنفاق
ولا للجاه تكضِّـب سيدا
في هادي الحُـلوق بشمانه تدَّشَّـى المخازي
وتلفظ النفس الكَـليحة
وكل المغسة في هادي الصفوف الغايسة
في لُـجج الضماير الخايسة
كل المغسة
تبقى البركة في الدمع العريس
***
يا فاطمة الصيد الوارد
يوم فوتكَـن ما يوم فوت
يا فاطمة الخيرِك وارد
ويالوارد خيرِك يوت
فُـتَّـن والحسن مهمَّل
والحزن بنالنا بيوت
والدمع عريس ومحنن
يوم شكرو .. هو يوم الموت
سرطان مطلوق اتجــنَّـن
حِـلتنا بقت حي موت
حاويات لعيالنا انشرَّن
والكوبتاجون مَـتلوت
يا ها الحاويات العَـرَّن
السَـمـْـسَـر و الكهنوت
يا ها الحاويات العَـرَّن
السَـمْـسَـر و الكهنوت.
***
فافضحوهم
وافضحوهم
وافضحوهم
من جِـقور الكُـبري، ضَـب سِـنَّـار، إلى نَـمْـل
الدَنادِر
وافضحوهم من قُرانا الفايقة حامت في البنادر
وافضحوهم من بنوك تِـتمَـطَّـى من عيش الفقير
لا عند صُـفوف العيش
صفوف العار
صناعة السوق
بنوك اللغفة قبل التسويات والخم
بنوك اللغفة شان التسويات والخم
بنوك اللغفة بعد التسويات والخم
لغف بالشَـرفَه ينخم بالقنادر
سقوف مبذولة للشُّـفَّـع
ها ديل شفع سنين الغفلة
راضعين الحرام بالدادا
رضاعة كلبة حارسة ردادا
لا بـيابوها لا بْـمُـرقوا النصيحه
والفضيحة ولا بتباري السُـتره
شِـن
لَـمّ النَـبـيحة على المَـليحة
ياها التوب على فرعون
إذا غطَّـاه قدام روحو ..
هو العرَّاهو قدام الخلوق
ومنظر في وشوش الناس ..
بلا العورة ..
الفضيحة الليها ريحه.
هِـيَّ من فقه التَّـحَـلُّـل
وهي من شيلني وبشيلك
وهي في القبح المَـشَـرشَـر فوق غَـسِـيلك
البلد مي حق جَـنابَـك
لا هي للهُـبُـل البِـغَـنُّـوا على عديلك
أشحد الله يجيب عقابك.
الكريم إن جَـاب عَـقَـابَـك
البلد لا هيل عقابك .. لاها هِـيلك
×××
وبُـكْـره الدنيا غير الدنيا يا يابا ..
بُـكْـره الدنيا غير.
وبكره الدنيا تصبح دنيا من غيركُـم
وتبقى الدنيا خير
ونفرز طيرنا من طيركُـم
تفوت غربان
وطيرة الجنّـة فوق حَـلَّالنا .. طير
وتشفَى حياتنا .. بعد الهَـردَبِـيس واللَّـتْ
بلا سَـرطان .. ولا فَـلَـتان
ولا مغسة دموعنا الغايسة
في لُـجج الضماير الخايسة
لا الدمع العريس.
عقارب الدمع العريس (ديسمبر 2018م)
Tag :
قصائد,
عضو غرفة المستوردين:
إيقاف استيراد السلع غير الضرورية يؤدي لإفلاسنا ..
أنت تغتنون من استيراد السلع غير الضرورية لنا .. بل ربما السلع الضارة لنا .. وبِحُــرِّ دولاراتنا الشحيحة ..
ياخ نحن مالنا؟ شوفوا ليكم شغلة تانية .. بيعوا قنقليس ففيه فوائد لنا ولكم.
إفلاس المستوردين
Tag :
كتابات أخرى,
الشوارع
27 نوفمبر 2016م
27 نوفمبر 2016م
مشارعَ الخير..
شوارع غِــير
شوارع شعـبَـنا الحَـبُّـوبْ
كَـسَـاد
ورَمَـاد
حِـداد وسواد
ولا بتعرِف تـقول الروب
وكلما تجَهجِها الوثبات
بتعرِف لُـغْـوَة الراندوق
بتتعَـتَّـر
تقوم مَـرَّات وتتوَقَّــع
وفجأة تهِــب علي طولها
تقيف من نَـهْـدَة الوِقِّــيع
وتخَـبِر كيف تَـفِــك الطوق
وتعرف وين تلُخ الطين
وتعرف كيف تَـدُق الطوب
وتدي المعنى للطِـقّــيع
شوارع الخير .. مَـشارع غير
مشارع كُـلَّـهِــن وِلـدَنْ ولا نِـدْمَـن
وما مِـن الحُـزُن عِـدمَـن
ولا توب الكرامه رَمَــن
وزادَن في الكَـرَم كِـوِّيع
شوارع ما بتبيع روحها
ولا حتى بتقِــلب البيع
شوارعنا الشوارعية
تلاقي اللَّافَّة في الــلَّــفَّة
وتخُت السفَّــة في السفَّه
وتَــحَــبْس الدمعة بالصِّـنْـقيع.
شوارعي بيقرا في اللابتوب
شوارعي بيكتب الواتساب
شوارعي يدقِّس العاملين
جهاد
وجَــداد
شوارعي بيبدا بى نَـمَّة شوارع منتهى العِـصـيان
يصاقْع الأنبيا الكَـذَبَـه
ويسالم (مصطفى) النُـبْـيان
فهذي النَـمَّـة نَــمَّة سوط
يسوط الأدعيا الفَــسَــدَه
ويلوس الكاذِب المزعوط
يعود ينتِـف .. معِـط ..
ريشن
بِـتَـكْـرَهوا شَـعْـبَـكُم ليشِـن؟
وتـنسوا الآخرة ..
ساعة الموت
بتكرهوا شعبَـكُم ليـشِـنْ؟
وهُـو الأداكُم المَـثْـنَى وثُــلاث ورُبَــاع
وهو الودَّاكُم الكُــلِّـيَّــة
وهو اللبسكم النيشان
وهو السَّـكَّــنكم المنشية
هو العلمكم أكل الحوت
بتكرهو شعبكم ليشن؟
ومن خيرو الكتِف ورمان
دي شيزوفرينيا؟؟
والا انيميا
في حب الوطن واتراكمت أزمان
بتكرهو شعبكم ليشن؟
وتلهطوا من شمال وايمان
وتكالوا من الطيور عيشِــن
وتبزغوا في قداحة الخير
من البلد الحكم طيشِــن
تجحدوا في نعايم المولى
تلهفوا في فطايس النعمة
تلهطوا من حرام القوت
بتكرهوا شعبكم لي شنو؟
شتايمكم
فضل خيركم
عمايمكم
هي شوم طيركم
كروشكم
من فضل خيرنا
وتِــجَـدِّعوا خيرنا للغيرنا
وتمسحوا فوق رقابنا البوت؟
بتكرهو شعبكم ليشنو؟
بتكرهوا شعبنا الطيب
وتربحوا من لهب حربو
ترجعوا زي ديوك العِدَّه
وين ما يقبلوا يخربوا
فارجعوا بينا لي عند شارع التقنت
ولي الولد السقا الباجور
وارجعوا بينا لي يات من مطار في الدنيا
سودانير
لسانكم فينا زي منشار
بيطلع في الصباح
زفران
وينزل في المسا
كفران
دي وَلْــدَه وخاسره يا جربان
تقولوا عليه رباية جوع؟
وبين هوت دوق ولحس الكوع؟
تقول يا انتو ما ولاد تسعة
لا حَـوَّاتنا حوَّاتكم
ولا هذا البلد هيلكم
ولا رَبَّــتكم أُمَّــاتكم.
الماء والأرض - مربوع
Tag :
نفير القدال,
